რა არის მუსთერაპია?

მუსთერაპია ვიკიპედიის (www.wikipedia.org/wiki/musictherapy), კვლევების და

დაკვირვების მიხედვით, წარმოადგენს მსოფლიოში აღიარებულ ოპტიმალურ საშუალებას,

ვინაიდან მუსთერაპიული მომსახურება მოიცავს შემოქმედებით, თერაპიულ და

პედაგოგიურ-აღმზრდელობით ინტეგრირებული მუშაობის ფორმებს. ის სასარგებლოა

ყველა მოწყვლადი ჯგუფისათვის, განსაკუთრებით ყველა კატეგორიის შეზღუდული

შესაძლებლობების მქონე პირებისათვის. ის უნივერსალურია.

რატომ უნდა გამოვიყენოთ მუსიკალური თერაპია? მუსიკა შეიძლება გამოვიყენოთ

ურთიერთობისთვის და კომუნიკაციისთვის იმ შშმ ბავშვებთანაც, რომლებსაც შეიძლება

ჰქონდეთ სიტყვებით კომუნიკაციის პრობლემა. ამ გზით, მუსიკა შეიძლება გამოყენებულ

იქნას, როგორც ინსტრუმენტი, რათა მივაღწიოთ თერაპიულ მიზნებს, როგორიცაა

თვითგამოხატვა, კომუნიკაციის განვითარება და სოციალური უნარები, ან ურთიერთობის

განვითარება. მუსიკალური თერაპია განსხვავდება მასწავლებობისგან. მიზანი არ არის

ინსტრუმენტის დაკვრა რაღაც განსაკუთრებული გზით, მთავარია უსაფრთხო გარემოს შექმნა

იმისათვის რომ ირგვლივ მყოფ ადამიანებს შეეძლოთ საკუთარი თავის გამოხატვა.

სიმშვიდე და მომავლის იმედი, კომფორტი , რელაქსაცია და განვითარება

კომპლექსურად! ეს იქნება ემოცია, რომელიც დაეუფლება მომხმარებელს. სასურველია

საზოგადოების დიდ ნაწილს მუსთერაპიის ცენტრთან მიმართებაში ადეკვატური ემოცია

გაუჩნდეს და არ წარმოიდგინოს სამედიცინო პროცედურა. სპეციალურად აღნიშნული

სოციალური საწარმოსათვის შეიქმნება შესაბამისი ლოგო და მესიჯიც!

რა თქმა უნდა მუსიკა, როგორც თერაპია მთლიანად უნდა იყოს კონცენტრირებული ბავშვზე.

ეს არის ნდობაზე და მიღებაზე დაფუძნებული ურთიერთობა.

მუსთერაპიის ბრენდის მისიაა - საქართველოში განვითარება და ეფექტური გამოყენება

მუსიკის თერაპიის, როგორც ფსიქო-სოციალური რეაბილიტაცია-აბილიტაციის

ალტერნატიული სოციალური სერვისის. ეს არის ყველა კატეგორიის ადამიანისათვის, მათ

შორის შშმ პირებისათვის საშუალება მენტალური განვითარების და ფსიქო-სოციალური

დაბალანსების.